Þrjár mælingar fyrir hvern miðil
Birtir skráir þrjá atburði fyrir hverja auglýsingu og sundurliðar þá eftir miðlinum sem birti hana.
Birtingar
Ein birting er talin þegar auglýsingin hleðst inn hjá miðlinum.
In-screen
Ein In-screen mæling er talin þegar að minnsta kosti helmingur auglýsingarinnar sést á skjánum í um það bil eina sekúndu.
Smellir
Einn smellur er talinn þegar gestur smellir á auglýsinguna og fer á slóðina sem þú skráðir á hana.
Auk þess í skýrslum
- Reach
- Áætlaður fjöldi einstakra gesta sem sáu auglýsinguna.
- Meðaltími í skjá
- Hversu lengi auglýsingin er að meðaltali í sýn.
Miðill er greindur út frá vefslóð síðunnar sem sýnir auglýsinguna. Fyrir skjái og útiskilti tilgreinir pakkinn miðilinn beint.
Hvernig það virkar
Frá viðskiptavini að birtingu í fjórum skrefum.
Skipuleggðu
Stofnaðu viðskiptavin og vörumerki, síðan herferð með áföngum.
Hladdu upp
Hladdu upp myndum eða myndböndum. Birtir hýsir efnið á CDN og greinir stærðina sjálfkrafa.
Sendu eina línu
Búðu til scriptu, auglýsingapláss í þeirri stærð sem miðillinn þarf, og sendu honum eina línu af kóða.
Tímasettu og fylgstu með
Settu herferðina í scriptuna með birtingartímabili, vægi og forgangi. Tölurnar birtast í skýrslum.
Uppbygging herferða
- Viðskiptavinur
- Vörumerki
- Herferð
- Áfangar
- Auglýsingar
Áfangar skipta herferð niður í tímabil, til dæmis eina viku í senn. Staða og dagsetningar erfast niður: auglýsing birtist aðeins þegar hún sjálf, áfanginn og herferðin eru öll virk.
Áfangi sem merktur er sem yfirtaka birtist einn og sér meðan hann er virkur; aðrir áfangar sömu herferðar eru þá ekki sýndir.
Ein lína, margir miðlar
Scripta er endurnýtanlegt auglýsingapláss í fastri stærð með einni varanlegri slóð. Sömu línuna má senda til margra miðla og það þarf aldrei að senda hana aftur. Þú skiptir um herferð í Birti án þess að miðillinn þurfi að gera nokkuð.
<iframe src="https://serve.birtir.app/p/SLUG" width="300" height="250" scrolling="no" style="border:0;overflow:hidden;width:300px;height:250px" title="Auglýsing"></iframe>Raunverulegt auðkenni scriptunnar, hér SLUG, er búið til í stjórnborðinu.
Varamynd þar til auglýsingin er staðfest
Fyrir skjái og útiskilti býr Birtir til pakka sem þú hleður niður, einn fyrir hverja scriptu og hvern miðil.
Skjárinn sýnir því varamyndina í stað auðrar síðu eða villuboða.
Pakkinn ber nafn miðilsins, svo að birtingar skráist á réttan miðil þótt skjárinn sendi enga tilvísun.
Varamynd birtist strax
Pakkinn inniheldur kyrrmynd sem er sýnd um leið og hann opnast.
Staðfesting
Skjárinn spyr Birti hvort scriptan sé í birtingu núna.
Skipt yfir í auglýsinguna
Aðeins ef svarið er já er skipt yfir í auglýsinguna sjálfa. Ef staðfesting berst ekki, eða villa kemur upp, helst varamyndin sýnileg.
Skýrslur sem hægt er að deila
Tölurnar eru tiltækar fyrir hverja herferð og hvern viðskiptavin, og viðskiptavinurinn getur fengið að sjá þær án þess að fá aðgang að kerfinu.
- Skýrsla fyrir hverja herferð
- Birtingar, In-screen, smellir, CTR og reach, ásamt þróun yfir tíma. Sundurliðun eftir miðli, auglýsingu, tæki, landi og degi.
- Yfirlit fyrir viðskiptavin
- Skýrsla fyrir viðskiptavin sýnir tölur allra herferða hans í einu yfirliti.
- Deiling með hlekk
- Viðskiptavinur fær hlekk sem sýnir skýrslu herferðar eingöngu til lestrar, án innskráningar. Hlekkinn má afvirkja hvenær sem er og þá hættir slóðin að virka.
- CSV-útflutningur
- Sæktu tölur herferðar sem CSV-skrá til frekari vinnslu í töflureikni.
Aðgangur og aðskilnaður gagna
Birtir er byggður fyrir margar auglýsingastofur í sama kerfi.
Gögn hverrar stofu eru aðskilin
Viðskiptavinir, herferðir, scriptur og skýrslur hverrar auglýsingastofu eru aðeins sýnileg þeirri stofu.
Innskráning með Google
Notendur skrá sig inn með Google-vinnureikningi. Nýr notandi bíður samþykkis rekstraraðila Corvus, sem úthlutar honum stofu og hlutverki.
Reikningsgrunnur
Birtir reiknar reikningsgrunn út frá fjölda birtinga og CPM-taxta, bæði milli Corvus og stofunnar og milli stofunnar og viðskiptavina hennar. Útreikningurinn er til upplýsinga; innheimta fer fram utan kerfisins.
Það sem Birtir gerir ekki
Engin bjóðun og engin miðun. Birtir býður ekki í auglýsingapláss og miðar ekki á markhópa. Hann hýsir, sýnir og mælir þær auglýsingar sem þú setur inn.
Skráðu þig inn í Birti
Innskráning fer fram með Google-vinnureikningi. Aðgangur er veittur eftir samþykki rekstraraðila Corvus.
Skoða kerfisstöðu